ජපානයේ Higashi Ward හි පිහිටා ඇති Chihaya රෝහලේ සේවයේ නියුතුව සිටි 49 හැවිරිදි වෛද්‍යවරයෙකුට සඳුදා උදෑසන 9.50 ට පමණ පිහියකින් ඇන ඝාතනය කිරීමට තැත් කළ බවට සැකපිට Jiro Kawano නම් 59 හැවිරිදි රැකියා විරහිත පුද්ගලයෙකු Fukuoka පොලිසිය විසින් අත්අඩංගුවට ගෙන තිබේ.
සැකකරු නැමිය හැකි පිහියක් භාවිතා කරමින් වෛද්‍යවරයාගේ පිටුපසට සහ සිරුරේ ඉහළ කොටසට පිහියෙන් ඇන ඇති බවත් නිලධාරීන් පැමිණෙන තුරු Kawano යටත් කර ගැනීමට කාර්ය මණ්ඩලය සමත් වූ බවත් පොලිසිය සඳහන් කළේය.
වෛද්‍යවරයාගේ තුවාල ජීවිතයට තර්ජනයක් නොවන බවත් ඔහු සුව වීමට සති දෙකක පමණ කාලයක් ගතවනු ඇති බවත් වාර්තා වේ . අත්අඩංගුවට ගත් දා සිට සැකකරු නිහඬ පිළිවෙතක් අනුගමනය කරන බවත්, ඔහු හෝ ඔහුගේ පවුලේ කිසිවකුට වෛද්‍යවරයාගෙන් ප්‍රතිකාර කර තිබේද, එසේත් නැතිනම් ඔවුන් අතර කිසියම් ගැටලුවක් ඇතිවී ඇත්ද යන්න පිළිබඳව සොයා බැලීමට විමර්ශන කටයුතු සිදුකරන බවත් පොලිසිය වැඩිදුරටත් පැවැසීය.
