97 හැවිරිදි වියේ පසුවූ බ්‍රිතාන්‍යය නාට්‍ය හා චිත්‍රපට අධ්‍යක්ෂකවරයෙකු ලෙස සේවය කළ Peter Brook, ලොව පුරා පිළිගැනීමට ලක් වූ බලගතු සහ කීර්තිමත් වෘත්තිකයෙකු ලෙස පසුගිය සෙනසුරාදා දින පැරිසියේදී සිය දිවි ගමන නිමා කළ බව ප්‍රංශ මාධ්‍ය වාර්තා කළේය.
Brook සිය දශක හතක වෘත්තීය ජීවිතය තුළ දී දෙවතාවක්ම Tony සම්මානලාභීයෙකු වූ අතර Olivier සම්මානය, Emmy සහ ජාත්‍යන්තර Emmy සම්මාන ලාභියා ද විය. 1963 දි වසරේ චිත්‍රපටය බවට පත්වූ "Lord of the Flies" සහ තමන්ගේ හොඳම වේදිකා කෘතිවල චිත්‍රපට අනුවර්තනයන් කීපයක්ම අධ්‍යක්ෂණය කළ එතුමා නාට්‍ය පර්යේෂණ සඳහා වන ජාත්‍යන්තර මධ්‍යස්ථානය ප්‍රංශ අගනුවර දි ආරම්භ කළේය .
"ඇදහිය නොහැකි කලාත්මක උරුමයක් ලොවට ඉතිරි කරමින් Brook නම් සම්භාවනීය අධ්‍යක්ෂකවරයා සිය දිවි ගමනෙන් සමුගත් බව" ඔහුගේ පෞද්ගලික ප්‍රකාශකයා ලෙස සේවය කළ Nick Hern Books ඉරිදා දින ප්‍රකාශයක් නිකුත් කරමින් කියා සිටියේය.
