බටහිර Nara නගරයේදී පසුගිය සිකුරාදා දින වෙඩික්කරුවෙකුගේ අමානුෂික ඉලක්කයක් බවට පත්ව අභාවප්‍රාප්ත වූ හිටපු අගමැති Shinzo Abe, ජපාන රජය විසින් පිරිනමනු ලබන ජාතියේ ඉහළම ගෞරවනීය සැරසිල්ල වන Chrysanthemum කරපටියෙන් සඳුදා දින පිදුම් ලැබුවේය.
ඒ අගමැති Fumio Kishida සහ අනෙකුත් නීති සම්පාදකයින් බොහෝ දෙනෙකුගේ සහභාගීත්වයෙන් දීර්ඝතම කාලයක් ජපානයට සේවය කළ හිටපු අගමැති Abe වෙනුවෙන් Tokyo නගරයේ Zojoji පන්සලේ සදුදා දින පැවැති පිබිදීමේ උත්සවය අතරතුරදීය. ජපානයේ සංචාරයක නිරතව සිටින එක්සත් ජනපද භාණ්ඩාගාර ලේකම් Janet Yellen ද එතුමාට අවසන් ගෞරවය පුද කිරීම වෙනුවෙන් උත්සවයට සහභාගී වූ බව භාණ්ඩාගාර නිලධාරියෙකු සදහන් කළේය.
"Naruhito අධිරාජ්‍යයා සහ Masako අධිරාජිනිය පිබිදීමේ උත්සවය වෙනුවෙන් මල් සහ සුවඳ දුම් දැල්වීම සඳහා කුටියක් ඒවා තිබූ බව" ජපානයේ Imperial Household ඒජන්සියේ උප ප්‍රධානියා වන Kenji Ikeda පැවැසීය. එමෙන්ම ජපානයේ එක්සත් ජනපද තානාපති Rahm Emanuel සහ ජපානයේ රුසියානු තානාපති Mikhail Galuzin ඇතුළු ප්‍රමුඛ පෙළේ ව්‍යාපාරික නායකයින් සහ තානාපතිවරු බොහෝ දෙනෙක් සහ මහජන සාමාජිකයින් ඇතුළුව 2,500 ක් පමණ උත්සවය සඳහා සහභාගි වී තිබේ.
Shinzo Abe මහතාගේ අවසන් කටයුතු අඟහරුවාදා පස්වරුවේ Tokyo විහාරස්ථානයේදීම සිදුකිරීමට නියමිතව ඇති අතර එතුමාගේ මැතිවරණ කොට්ඨාශයක්ව තිබූ බටහිර ජපානයේ Tokyo සහ Yamaguchi ප්‍රාන්තවල ද අවසන් උත්සවයට සමගාමීව වෙන වෙනම අනුස්මරණ උත්සවය පැවැත්විමට සැලසුම් කර ඇති බව සදහන් වේ.
