පසුගිය සිකුරාදා දින අභාවප්‍රාප්ත වූ ජපානයේ හිටපු අගමැති Shinzo Abe හට උපහාර දැක්වීම වෙනුවෙන් තායිවාන උප ජනාධිපතිවරයාගේ ජපාන ආගමනයට එරෙහිව චීනය විසින් ජපානයට විධිමත් විරෝධතාවක් ගොනු කර ඇති බව වාර්තා වේ.
"තායිවාන බලධාරීන් මෙහිදී දේශපාලන උපාමාරු සඳහා අවස්ථාව ලබාගෙන ඇති අතර, චීන බලධාරීන් එයට එරෙහිව Beijing සහ Tokyo හිදී ජපානයට දැඩි පැමිණිලි කර එහි ස්ථාවරය පැහැදිලි කර ඇත. නමුත් එවැනි දේශපාලන යෝජනා ක්‍රමයක් කිසි විටෙකත් සාර්ථක විය නොහැක" යනුවෙන් විදේශ අමාත්‍යාංශයේ ප්‍රකාශක Wang Wenbin අඟහරුවාදා පැවැති දෛනික සාකච්ඡාවකදී කියා සිටියේය.
වසර 50 ක් තිස්සේ තායිවානයේ දැඩි ආධාරකරුවෙකු ලෙස ජපානයේ හිටපු අගමැති Shinzo Abe ප්‍රචලිතව සිටි අතර, 2021 වසරේ අගමැති ධුරයෙන් ඉල්ලා අස්වීමෙන් පසු තායිවානයට දැඩි සහයෝගයක් නිකුත් කරමින් Abe මහතා සිදුකළ කථාවකින් කෝපයට පත් Beijing විසින් "යුධමය වික්‍රමාන්විතය ආර්ථික සියදිවි නසා ගැනීමට තුඩු දෙනු ඇත" යනුවෙන් පවසමින් මීට පෙරදීත් ප්‍රකාශයක් නිකුත් කර තිබේ.
