ජපානයේ ප්‍රමුඛතම මෝටර් රථ නිෂ්පාදකයෙකු වන Toyota Motor Crop. හි දැනට පවතින විශිෂ්ට මාදිලියක් වන Crown මෝටර් රථය , ප්‍රථම වරට එක්සත් ජනපදය ඇතුළු ලොව පුරා රටවල් රාශියක අලෙවි කිරීමට පියවර ගෙන ඇති බව වාර්තා වේ.
"මෙම නව Crown පවුලේ වාහනය ජපානයේ පමණක් නොව ගෝලීය වශයෙන් ප්‍රථම වරට පිරිනමන බව අද ප්‍රකාශ කිරීමට ලැබීම ගැන මම ඉතා සතුටට පත්වෙනවා. එය අපගේ කිරුළ හිමිකර ගැනීමට හැකි මෝටර් රථයක් " යනුවෙන් එහි ප්‍රධාන විධායක Akiyo Toyoda සිකුරාදා පැවැති මාධ්‍ය හමුවකදී වාර්තාකරුවන්ට කියා සිටියේය.
16 වන පරම්පරාවට අයත් වන Crown මෝටර් රථයේ නිෂ්පාදන කටයුතු එළැඹෙන ජනවාරි මාසයේ සිට ආරම්භ කිරීමට නියමිතව ඇති අතර " දෙමුහුන් පද්ධතියක් සහිත හරස්කඩක්, ජපන් වීදිවල දක්නට ලැබෙන Crowns වලට බොහෝ සෙයින් සමාන Sedan රථයක්, ක්‍රීඩා උපයෝගිතා වාහනයක් මෙන්ම ' Estate' ලෙස හැඳින්වෙන කරත්තයක හරස්කඩක් සහිතව ප්‍රභේද හතරකින් යුක්ත වේ.
Toyota මෝටර් රථ සමාගම වාර්ෂික ගෝලීය අලෙවිය තුළ වාහන 200,000ක් ඉලක්කයක් තබා ඇති අතර ලොව පුරා රටවල් 40 ක ජනතාවට Crown මෝටර් රථය අලෙවි කිරීමට සැලසුම් කර තිබේ . එහි ලාභදායීම අනුවාදය ජපානයේ වටිනාකමින් යෙන් මිලියන 4.35 එනම් ඩොලර් 31,000 කින් ආරම්භ කෙරෙන බව පැවැසේ .
