ජුලි 15 වන සිකුරාදා දින Birmingham හි පැවැති වාර්ෂික ලෝක ක්‍රීඩා උළෙලේ කඳු නැගීමේ තරග අංශයේ කාන්තා රන් පදක්කම දිනා ගැනීමට ජපානයේ Miho Nonaka සමත් වූ අතර දැඩි උණුසුම් සහගත තත්වයන් මැඩපවත්වා ගනිමින් ඉදිරියටම පැමිණි ඈ කාන්තා අංශයේ අවසන් අභියෝග හතරෙන් තුනක් ම ජයගත් ලොව එකම කඳු නගින්නිය බවට පත් වූවාය.
මෙහිදී තරගාවලියේ පිරිමි අංශයේ රිදී පදක්කම Kokoro Fujii විසින් දිනාගත් අතර ලෝක ක්‍රීඩා උළෙලේ වත්මන් ශූර Yoshiyuki Ogata තරගාවලියේ ලෝකඩ පදක්කම දිනා ගත්තේය.
"මට ගොඩක් සතුටුයි. ඔලිම්පික් ක්‍රීඩා උළෙලට සමාන වාතාවරණයක් ඇති තරඟාවලියක් ජයග්‍රහණය කිරීම අර්ථාන්විතයි" යනුවෙන් වසර පහකට පෙර අවසන් ලෝක ක්‍රීඩා උළෙලේ දෙවැනියා බවට පත් වූ Nonaka පැවසීය.
30 C ට වැඩි එළිමහන් පරිශ්‍රයේ උෂ්ණත්වය සමඟ උදෑසන මූලික තරගවලට සහ සවස අවසන් තරගයට සහභාගී වූ Nonaka හට අවසන් තරඟයේ පළමු ගැටලුවට ඉහළින්ම පැමිණීමෙන් පසු ප්‍රේක්ෂකයන්ගෙන් විශාල පිළිගැනීමක් හිමිවූ අතර තරඟයට සහභාගී වූ තවත් එක් කඳු නගින්නෙකුට පමණක් එය විසඳා නිම කිරීමට හැකියාව ලැබිණි.
