ප්‍රථම වතාවට රුසියානු හමුදාව සති කිහිපයකට පසුව Kyiv ප්‍රදේශයට මිසයිල ප්‍රහාරයක් දියත් කළ අතර උතුරු Chernihiv කලාපයට ද පහර දී ඇත. මේ සම්බන්ධයෙන් යුක්රේනය පවසා සිටියේ මෙය ක්‍රෙම්ලිනයට එරෙහිව නැගී සිටීම සඳහා පළිගැනීමක් බවයි.
යුක්රේනයේ සාමාන්‍ය කාර්ය මණ්ඩලයේ ජ්‍යෙෂ්ඨ නිලධාරියෙකු වන ඔලෙක්සි හ්‍රොමොව් පවසන පරිඳි රුසියාව විසින් කලු මුහුදේ සිට දියත් කරන ලද මිසයිල හයකින් කියෙව් කලාපයට ප්‍රහාර එල්ල කර ඇති අතර, අගනුවරට මායිම්ව පිහිටි ලියුටිෂ් ගම්මානයේ හමුදා ඒකකයකට ද පහර දී ඇත.
ප්‍රහාරයෙන් එක් ගොඩනැගිල්ලක් විනාශ වී තවත් ගොඩනැගිල්ලකට හානි සිදු වූ බවත්, යුක්රේන හමුදාව බුචා නගරයේ දී එක් මිසයිලයක් බිම හෙළූ බවත් ඔහු පැවසීය. රුසියානු ප්‍රහාරවලින් 15 දෙනෙකු තුවාල ලැබූ අතර ඉන් පස් දෙනෙකු සිවිල් වැසියන් බව Kyiv ප්‍රාදේශීය ආණ්ඩුකාර Oleksiy Kuleba පවසා ඇත.
