ජපාන අගමැති කිෂිඩා ෆුමියෝ න්‍යෂ්ටික අවි ව්‍යාප්ත නොකිරීම පිළිබඳ ගිවිසුමේ සමාලෝචන සමුළුවට සහභාගි වීම සඳහා ටෝකියෝ නුවරින් පිටත්ව ගොස් ඇත. සඳුදා නිව්යෝර්ක් නුවරදී රැස්වීම ආරම්භ වීමට නියමිතය. කිෂිඩා NPT සමාලෝචන සමුළුවකට සහභාගී වන පළමු ජපාන අගමැතිවරයාද වනු ඇත.
න්‍යෂ්ටික නිරායුධකරණය සහ රුසියාව විසින් එල්ල කරන ලද න්‍යෂ්ටික තර්ජන සම්බන්ධයෙන් ජාත්‍යන්තර ප්‍රජාව තුළ ඇති බෙදීම් සැලකිල්ලට ගෙන, න්‍යෂ්ටික අවි නොමැති ලෝකයක් සාක්ෂාත් කර ගැනීමේ ජාත්‍යන්තර ගම්‍යතාවය පසුබෑමකට ලක්වීම ගැන ඔහු සැලකිලිමත් වන බව කිෂිඩා නික්මයාමට පෙර පවසා ඇත.
මීට වසර 77 කට පෙර පරමාණු බෝම්බවලට ගොදුරු වූ ජපානයේ නගර දෙක වන හිරෝෂිමා සහ නාගසාකි වෙත තරුණ පරම්පරාවන්ට උපකාර කිරීම සඳහා එක්සත් ජාතීන්ගේ අරමුදලක් දියත් කරන බව ද ඔහු නිවේදනය කරනු ඇත.
