බදාදා විවෘත වන සැසියේදී විදේශගතව සිටින අලුතින් තේරී පත් වූ විපක්ෂ මන්ත්‍රීවරයෙකුගේ සැලැස්ම ජපානයේ ඉහළ මන්ත්‍රී මණ්ඩලය ප්‍රතික්ෂේප කර තිබේ. NHK පක්ෂයේ Higashitani Yoshikazu, දැනට එක්සත් අරාබි එමීර් රාජ්‍යයේ සිටින බැවින් ඔහු සැසිවාරයට නොපැමිණෙන බව පවසමින් නිවේදනයක් ඉදිරිපත් කළේය.
ඔහු යූ ටියුබ්කරුවෙකු ලෙස ප්‍රකට අතර ජූලි 10 වැනි දින පැවති මැතිවරණයෙන් ඉහළ මන්ත්‍රී මණ්ඩලයේ ප්‍රථම වරට අසුනක් දිනා ගත්තේය.
Higashitaniගේ දැනුම්දීම ගැන සාකච්ඡා කිරීමට ඉහළ මන්ත්‍රී මණ්ඩල මෙහෙයුම් කමිටුවේ විධායකයින් අඟහරුවාදා රැස් විය. ආණ්ඩු පක්ෂයේ සහ විපක්ෂයේ මන්ත්‍රීවරු පැවසූවේ ඔහු ඉදිරිපත් කළ ලේඛනයේ ඔහුගේ සැලැස්ම ප්‍රමාණවත් ලෙස පැහැදිලි කර නොමැති බවත්, ඔහු ආපසු පැමිණීමට නියමිත දිනයක් නිශ්චිතව දක්වා නොමැති බවත්ය.
ඉහළ මන්ත්‍රී මණ්ඩලයේ නිලධාරීන් පවසා සිටියේ නැවත පැමිණිමේ ඉල්ලීම ප්‍රතික්ෂේප කළහොත් ඔහු නොපැමිණීම සමාවක් නොමැතිව නොපැමිණීමක් ලෙස සලකන බවය.
