ජපානයේ විදේශ අමාත්‍ය හයාෂි යොෂිමාසා ජපාන-චීන සබඳතා වැඩිදියුණු කිරීමට අදහස් කර ඇත. නිර්මාණාත්මක සහ ස්ථාවර ද්විපාර්ශ්වික සබඳතා ගොඩනඟා ගැනීම පූර්වගාමීන්ගෙන් පැවත එන්නන්ට වගකීමක් ලෙස භාරගත් මෙහෙවරක් බව ඔහු එහිදී පවසා ඇත.
සඳුදා පැවති සම්මන්ත්‍රණයකදී වීඩියෝ පණිවිඩයක් නිකුත් කරමින් හයාෂි මේ බව ප්‍රකාශ කර ඇත. සැප්තැම්බර් 29 වන දින රාජ්‍ය තාන්ත්‍රික සබඳතා සාමාන්‍යකරණය කිරීමේ 50 වැනි සංවත්සරයට පෙරාතුව ජපානයේ ව්‍යාපාරික සම්මේලනය නොහොත් Keidanren සහ ටෝකියෝ හි චීන තානාපති කාර්යාලයේ මෙම උත්සවය පවත්වා ඇත.
පසුගිය වසර 50 තුළ ජපාන-චීන සබඳතා විශාල ප්‍රගතියක් ලබා ඇති බව හයාෂි පැවසූ අතර මෙම කාලය තුළ ද්විපාර්ශ්වික වෙළඳාම 120 ගුණයකින් පමණ වැඩි වී ඇති බවත්, කොරෝනා වයිරසය පැතිරීමට පෙර මානව හුවමාරුව මිලියන 12 ඉක්මවා ඇති බවත් ඔහු පවසා ඇත.
