තම රට වෙනත් රටවලින් වෘත්තීය කුසලතා ඇති පුද්ගලයින් ආකර්ෂණය කර ගත යුතු බවත් එහි නේවාසික වැඩසටහනේ ප්‍රතිසංස්කරණ සලකා බලන බවත් ජපාන අගමැති පවසා ඇත.
කිෂිඩා ෆුමියෝ සෙනසුරාදා වාර්තාකරුවන්ට පවසා සිටියේ ලොව පුරා ජාතීන් ඉහළ මට්ටමේ දැනුම හා කුසලතා ඇති පුද්ගලයින් ආකර්ෂණය කර ගැනීමට දැඩි ලෙස තරඟ කරන බවයි. ඉහළ නිපුණතා සහිත වෘත්තිකයන් සඳහා මනාප පදිංචි තත්ත්වය ලබා දෙන අනෙකුත් රටවල් හා සසඳන විට ජපානය ප්‍රමාණවත් නොවන බව ඔහු පවසා ඇත.
ආයතනික ප්‍රතිසංස්කරණ මෙන්ම ආකර්ෂණීය ජීවන පරිසරයක් නිර්මාණය කිරීම ද වැදගත් බව කිෂිඩා පවසා ඇත. මේ සඳහා සෞඛ්‍ය සේවා සහ අධ්‍යාපනය සඳහා ප්‍රවේශය වැඩිදියුණු කිරීම අවශ්‍ය වන අතර ප්‍රජාවන් සහ සමාජය වඩාත් විවෘත හා ආගන්තුක සත්කාර කිරීමට දිරිමත් කිරීම අවශ්‍ය බව ඔහු පවසා ඇත.
