ජපානයේ හිටපු අග්‍රාමාත්‍ය අබේ ෂින්සෝගේ අවමංගල්‍ය උත්සවයට සහභාගී වීම සඳහා විදෙස් සම්භාවනීය අමුත්තන් රැසක් ජපානයට පැමිණෙමින් සිටින බැවින් ටෝකියෝ පොලිසිය ආරක්ෂාව තර කර ඇත. මධ්‍යම ටෝකියෝ හි නිපොන් බුඩෝකාන් හි අවමංගල්‍ය උත්සවය සඳහා ආරක්ෂාව තර කිරීමට දළ වශයෙන් පොලිස් නිලධාරීන් 20,000 ක් යොදවා ඇත.
උත්සවය සඳහා 4,300 ක පමණ පිරිසක් සහභාගී වීමට නියමිතව ඇති අතර ඔවුන්ගෙන් 700 ක් පමණ රාජ්‍ය නිලධාරීන්, විදේශයන්හි සිටින අනෙකුත් ප්‍රභූවරුන් සහ ටෝකියෝවේ පිහිටි තානාපතිවරුන් වේ. ජපාන අගමැති කිෂිඩා ෆුමියෝ සඳුදා සිට බදාදා දක්වා විදේශීය සම්භාවනීය අමුත්තන් 30 කට වැඩි පිරිසක් සමඟ වෙනම රැස්වීම් පැවැත්වීමට නියමිතය.
