එක්සත් ජනපදයේ සහ පිලිපීනයේ නාවික භටයින් ඒකාබද්ධ අභ්‍යාස ආරම්භ කර ඇති අතර ජපානයේ ගොඩබිම් ආත්මාරක්ෂක බළකාය සහ දකුණු කොරියානු මැරීන් භටයන් ද පළමු වරට මෙයට සහභාගී වී ඇත. පිලිපීන නාවික හමුදාවේ වැඩබලන ප්‍රධානී රියර් අද්මිරාල් සීසර් බර්නාඩ් වැලෙන්සියා සඳුදා දින 12ක අභ්‍යාසය ආරම්භයේදී මැනිලා හි ජාතීන්ගේ නියෝජිතයන් සමඟ කතා කර ඇත.
ශීඝ්‍රයෙන් වෙනස් වන ආරක්‍ෂක පරිසරයට ඔරොත්තු දීම සඳහා නිදහස, ප්‍රජාතන්ත්‍රවාදය සහ රීති මත පදනම් වූ සාරධර්ම ආරක්‍ෂා කිරීමට ඔවුන්ට එකට ක්‍රියා කළ හැකි බව ඔහු විශ්වාසය පළ කර ඇත. පුද්ගලයන් දූපත් යළි අත්පත් කර ගැනීම ඉලක්ක කර ගනිමින් ගොඩබෑමේ අභ්‍යාස පවත්වනු ඇති අතර න්‍යෂ්ටික හා රසායනික අවිවලට ප්‍රතිචාර දැක්වීමේ මාර්ගද එහිදී පරීක්ෂා කරනු ඇත.
