ජපානයේ විදේශ මුදල් සංචිත සැප්තැම්බර් මාසයේදී ඔවුන්ගේ විශාලතම අඩුවීමක් වාර්තා කර ඇත. පහත වැටීමට ප්‍රධාන හේතුව වන්නේ ජපාන බලධාරීන් විසින් පසුගිය මාසයේ මුදල් වෙළෙඳපොළට මැදිහත් වීමයි.
ඩොලර් විකිණීමේ, යෙන්-මිලදී ගැනීමේ මෙහෙයුම සඳහා යෙන් ට්‍රිලියන 2.8 ක් හෝ ඩොලර් බිලියන 20 ක් පමණ වැය වී ඇත. මුදල් අමාත්‍යාංශය සිකුරාදා නිවේදනය කර සිටියේ සංචිතය පසුගිය මාසය අවසන් වන විට ඩොලර් ට්‍රිලියන 1.2 කට වඩා වැඩි බවයි.
තවත් සාධකයක් වූයේ එක්සත් ජනපද රජයේ බැඳුම්කර ඵලදාව ඉහළ යාමෙන් පසු ජපානයේ සුරැකුම්පත් කොටස්වල වටිනාකම පහත වැටීමයි. යෙන් තවදුරටත් දුර්වල වුවහොත් ජපාන රජය සහ ජපාන බැංකුව නැවතත් මුදල් වෙළෙඳපොළට පිවිසෙනු ඇත්දැයි වෙළඳපොළෙහි ගැනුම්කරුවන් බලා සිටී.
