පිලිපීනය සහ එක්සත් ජනපදයේ මැරීන් භටයින් ජපානයේ ගොඩබිම් ආත්මාරක්ෂක බලකායේ සහ දකුණු කොරියානු හමුදාවේ සාමාජිකයින් සමඟ පිලිපීනයේ අභ්‍යාස පවත්වා ඇත. වාර්ෂික අභ්‍යාස 2016 වසරේ සිට පවත්වනු ලැබේ. මෙම අභ්‍යාස සඳුදා ආරම්භ වී ඇත.
මෙම අභ්‍යාසය සඳහා රටවල් හතරක පිරිස් සහභාගී වූ පළමු අවස්ථාව මෙය වේ. සිකුරාදා Zambales පළාතේ නාවික හමුදා කඳවුරකදී ගොඩබෑමේ අභ්‍යාසයක් පැවැත්වුනු අතර මෙම පළාත දකුණු චීන මුහුදට මුහුණලා ඇති ලුසොන් දූපතේ බටහිර වෙරළ තීරයේ පිහිටා ඇත.
එක්සත් ජනපද සහ පිලිපීන භටයින්ගේ ඒකාබද්ධ ඒකකයක් උභයජීවී වාහන භාවිතා කරමින් වෙරළට ගොඩබෑමේ ක්‍රියා පටිපාටි පුහුණු කර අතර රසායනික අවි යොදා ප්‍රහාරයක් අනුකරණය කිරීමේ අභ්‍යාසයක් ද සිදු කරන ලදී.
