Gundum තේමාව යටතේ විනෝදාත්මක ක්‍රියාකාරකම් සහිත උද්‍යානයක් 2022 වර්ෂයේ අප්‍රේල් මාසයේදී ජපානයේ දී ආරම්භ වීමට සියලු කටයුතු සූදානම් කර තිබේ. මෙය නැරඹීමට පැමිණෙන්නන්ට වෙනත් උද්‍යාන වල දැකගත නොහැකි මෙයට පමණක් ආවේණික වූ විනෝදාත්මක මෙන්ම නව්‍ය ක්‍රියාකාරකම් වල ද නිරත වීමේ අවස්ථාව ඇත.
මෙම උද්‍යානය Mitsui Shopping Park LaLaport Fukuoka හිදී ආරම්භ වීමට නියමිත අතර ජීවමාන ප්‍රමාණයේ RX-93ffv (Nu) Gundam ප්‍රතිමාවක් මෙහිදී දැකගන්නට ලැබීම විශේෂත්වයකි.
මෙම සම්පූර්ණ උද්‍යානය GUNDAM SIDE-F ( shopping area), VS PARK WITH G(The Sports Entertainment Area) සහ Namco (The Amusement Area) ලෙස ප්‍රදේශ තුනකට වෙන් කර ඇති අතර VS PARK WITH G ප්‍රදේශය හැර අනෙක් ප්‍රදේශ දෙකටම මුදල් ගෙවීමකින් තොරව ඇතුළු විය හැකි බව නිවේදනය කර තිබේ.
මෙය සියලුම ජපන් වාසීන්ට අමතක නොවන අත්දැකීම් සමුදායක් රැස් කළ හැකි විනෝදාත්මක ස්ථානයක් වනවාට නොඅනුමාන බව බොහෝ දෙනාගේ අදහසයි.
