වීදියක් දිගේ ඇවිද යමින් සිටි 34 හැවිරිදි කාන්තාවකට පිහියෙන් ඇන ඝාතනය කිරීමට තැත් කළ බවට සැකපිට 42 හැවිරිදි කාන්තාවක් අයිචි ප්‍රාන්තයේ ගමගෝරි හි පොලිසිය විසින් අත්අඩංගුවට ගෙන තිබෙනවා.
පෙරේදා(12) පස්වරු 5.25ට පමණ කාන්තාවන් දෙදෙනා අතර ඇතිවූ බහින්බස්වීමක් දුරදිග යාමෙන් මෙය සිදුවී ඇති බවයි වාර්තා වන්නේ.
පොලීසිය පැවසුවේ කාන්තාවන් දෙදෙනා අතර ඇති සම්බන්ධය පිළිබඳව විමර්ශනය කරන අතර වින්දිතයාගෙන් ප්‍රශ්න කිරීමට පෙර ඇය සුවය ලබන තෙක් බලා සිටින බවයි.
