තම බිරිඳට පහර දුන් බවට සැකපිට 52 හැවිරිදි වෘත්තීය Go ක්‍රීඩකයෙකු ටෝකියෝ පොලිසිය විසින් අත්අඩංගුවට ගෙන තිබෙනවා.
Sun Jin Chov නම් මොහු පසුගිය ඉරිදා රාත්‍රියේ සිය බිරිඳට ඔවුන්ගේ නිවසේදී පහරදී තිබෙන අතර චෝගේ බිරිඳ තම සැමියා විසින් පහර දුන් බවට පොලිසියට ගොස් පැමිණිල්ලක් ඉදිරිපත් කර තිබෙනවා.
මෙලෙස පහරකෑමට ලක්වූ කාන්තාවගේ දකුණු ඇස ආසන්නයේ තැලීමක්ද සිදුව ඇති බවයි පොලිසිය සඳහන් කළේ.
Japan Go Association (Nihon Ki-in) වෙබ් අඩවියට අනුව චෝ යනු ක්‍රීඩකයින් දෙදෙනෙකුගේ පුවරු ක්‍රීඩාවේ ඉහළම නවවන ශ්‍රේණිය ලබා ගත් කොරියානු ජාතිකයෙක් වන අතර ඔහු මීට පෙර කීර්තිමත් Honinbo තරඟාවලියද ජයගෙන තිබෙනවා.
