ජපානයේ අධිකරණ අමාත්‍යාංශය ඊයේ(09) හෙළි කළේ මධ්‍යම ජපානයේ බන්ධනාගාරයක රැඳවියන් පිරිසකට බන්ධනාගාර නියාමකයින් 20 කට වැඩි පිරිසක් විසින් ශාරීරික වද හිංසා පමුණුවා ඇති බවයි.
අධිකරණ අමාත්‍ය කෙන් සයිටෝ පැවසුවේ අගෝස්තු මාසයේදී නගෝයා බන්ධනාගාරයේ පහරදීම් අනාවරණය වූයේ බන්ධනාගාර නියාමකයෙකු විසින් ඇසේ තුවාලයක් ඇති රැඳවියෙකු දුටු විට බවයි.
අභ්‍යන්තර පරීක්ෂණයකින් හෙළි වූයේ බන්ධනාගාර නිලධාරීන් 22 දෙනෙකු විසින් රැඳවියන්ගේ මුහුණට කම්මුල් පහර දීම, ඔවුන්ගේ මුහුණුවලට මත්පැන් ඉසීම සහ පිඟන් කෝප්ප සහ වෙනත් වස්තූන් විසි කිරීම වැනි වද හිංසා කර ඇති බවයි.
බන්ධනාගාරයේ අභ්‍යන්තර පරීක්‍ෂණය දිගටම සිදුවෙමින් පවතින අතර සයිටෝ පැවසුවේ බාහිර විශේෂඥයන් ලවා පරීක්‍ෂණයක් මෙන්ම රට පුරා පිහිටි බන්ධනාගාරවල සමීක්ෂණයක් කිරීමට තමා නියෝග කළ බවයි.
බන්ධනාගාර නිලධාරීන් වයස අවුරුදු 20 සහ 30 වයස්වල පසුවන බවත් බොහෝ දෙනෙකුට වසර තුනකට වඩා අඩු පළපුරුද්දක් ඇති බවත් ඔහු වැඩිදුරටත් පැවසීය.
