අද(08) උදෑසන 6:10 ට පමණ Niigata ප්‍රාන්තයේ Tsubame නගරයේ Yoshida Tsutsumi හි "Yukitoraso" මහල් නිවාසයේ ගින්නක් හටගෙන ඇත.
පැය තුනහමාරකට පමණ පසු ගින්න නිවා දමා ඇතත් පළමු මහලේ ගින්න හටගත් කාමරයේ තිබී එක් මළ සිරුරක් හමුවී ඇති අතර ඊට යාබද කාමරයේ ජීවත් වූ 60 හැවිරිදි පුද්ගලයෙකු රෝහලට ඇතුළත් කිරීමෙන් පසු මියගොස් තිබේ.
ගින්න හටගත් කාමරයේ ජීවත් වී ඇත්තේ 80 හැවිරිදි පුද්ගලයෙකු වන අතර මළ සිරුර හඳුනා ගැනීම සඳහා Tsubame පොලිස් ස්ථානය කටයුතු කරගෙන යයි.
ගින්නට හේතුව සොයා පොලිසිය පරීක්ෂණ පවත්වයි.
