Chiba ප්‍රාන්ත පොලිසියේ Chiba Higashi පොලිස් ස්ථානය ඊයේ(02) නිවේදනය කළේ Chiba නගරයේ Chuo Ward හි පදිංචි Takashi Iwamoto නම් පුද්ගලයෙකු මිනීමැරීමට තැත් කිරීම සම්බන්ධයෙන් සැකපිට අත්අඩංගුවට ගත් බවයි.
පොලිසියට අනුව ජනවාරි 21 වන දින අලුයම 4:00 ට පමණ අදාල සැකකරු සිය හිටපු පෙම්වතිය ජීවත් වන නිවාස සංකීර්ණයේ කාමරයකට කඩා වැදී ඇයගේ ගෙල සිරකර ඝාතනය කිරීමට තැත්කළ බවට සැක කෙරේ.
අදාල කාන්තාව එම අවස්ථාවේ කෑගසා ඇති අතර බිය වූ Iwamoto එම ස්ථානයෙන් පලාගොස් තිබේ.
කෙසේවෙතත් කාන්තාවට තැලීම් ඇතුළු සුළු තුවාල සිදුවී ඇති බව පැවසේ.
