Fukushima ප්‍රාන්තයේ Iwaki නගරයේ කුබොටමාචි වීදියේ නිවසක පදිංචිව සිටි යසුකෝ කොමාට්සු නම් 85 හැවිරිදි කාන්තාවක් කිසියම් පුද්ගලයෙකු විසින් ඝාතනය කර තිබේ.
ඇයගේ හිසෙහි කිසියම් ආයුධයකින් පහරදී ඇති බව පෙනෙන තුවාල රැසක් තිබූ අතර කාමරය අවුස්සා ඇති බවටද සලකුණු දක්නට ලැබිණි.
Komatsu සිය නිවසේ තනිව ජීවත් වන අතර දුරකථනයට ප්‍රතිචාර නොදැක්වීම පිලිබඳ සැක සිතූ ඇයගේ වැඩිමහල් පුත්‍රයා පසුගිය 03 වැනිදා රාත්‍රී 7.00 ට පමණ එහි ගොස් බැලීමේදී පළමු මහලේ දොරටුව අසල ඇය මියගොස් සිටියදී සොයාගෙන තිබේ.
මරණ පරීක්ෂණයෙන් තහවුරු වූයේ මරණයට හේතුව හිස් කබල කැඩී යාම බවයි.
සිද්ධිය පිලිබඳ වැඩිදුර විමර්ශන පොලිසිය විසින් ආරම්භ කර ඇත.
