ජපානයේදී වංචාවකට සම්බන්ධ බවට අත්අඩංගුවට ගැනීමට වරෙන්තු නිකුත් කර තිබූ 27 හැවිරිදි කාන්තාවක් රඳවාගෙන සිටින බව පිලිපීන ආගමන කාර්යාංශය ඊයේ(01) නිවේදනය කළේය.
පසුගිය වසරේ නොවැම්බර් මාසයේදී ඇය පිලිපීනයට ඇතුළු වූ අතර සංචාරක වීසා බලපත්‍රය දීර්ඝ කිරීමට උත්සාහ කිරීමේදී ආගමන විගමන නිලධාරීන් විසින් ඇයව රඳවා ගනු ලැබුවා.
තෝකියෝ සාරාංශ අධිකරණය ඇය අත්අඩංගුවට ගැනීමේ වරෙන්තුවක් පසුගිය වසරේ සැප්තැම්බර් මාසයේදී නිකුත් කළ අතර පිලිපීන බලධාරීන්ට එම තොරතුරු ලැබී ඇත්තේ මේ වසරේ පෙබරවාරි මාසයේදීය.
මෙට්‍රොපොලිටන් පොලිස් දෙපාර්තමේන්තුව විශ්වාස කරන්නේ මෙම කාන්තාව පසුගිය මාසයේ පිටුවහල් කරන ලද යුකී වටනබේ මීට පෙර සම්බන්ධ වූ විශේෂ වංචා කණ්ඩායමක සාමාජිකාවක් බවයි.
