ටොකුෂිමා ප්‍රාන්තයේ ආවා ප්‍රදේශයේ පොලිසිය විසින් 40 හැවිරිදි මානසික ආබාධිත පුද්ගලයකු අත්අඩංගුවට ගෙන ඇත.
ඒ 80 හැවිරිදි වියේ පසුවන ඔහුගේ දෙමාපියන්ගේ සිරුරු ඔහුගේ නිවසේ තිබී සොයා ගැනීමෙන් පසුවය.
සැකකරුගේ බාල සොහොයුරා බදාදා පස්වරුවේ සංචාරයක් සඳහා පැමිණි අවස්ථාවේදී මළ සිරුරු සොයාගෙන ඇති බව වාර්තා වේ.
ඔහු තම මවගේ සිරුර සොයාගෙන නගර සුබසාධන කාර්යාලය අමතා පොලිසියට දැනුම් දී ඇත.
පොලිසිය පැමිණි විට පියාගේ සිරුර බ්ලැන්කට්ටුවකින් ඔතා තිබියදී සොයා ගන්නා ලදී. ඔහුගේ හිසෙහි ගැඹුරු තුවාලයක් තිබූ බව පොලිසිය පවසයි.
මවගේ සිරුරේ බාහිර තුවාලයක කිසිදු සලකුණක් නොතිබුණි.
මරණයට හේතුව සොයා ගැනීම සඳහා මළ සිරුරු දෙකේ මරණ පරීක්‍ෂණ පැවැත්වීමට නියමිත බව පොලිසිය පවසයි.
ස්වේච්ඡාවෙන් කළ ප්‍රශ්න කිරීම්වලදී සැකකරු තම දෙමාපියන් ඝාතනය කළ බවට ඉඟි පළ කළ බවද පොලිසිය පවසයි.
