තෝකියෝ මෙට්‍රොපොලිටන් පොලිස් දෙපාර්තමේන්තුව විසින් ගංජා ලඟ තබාගත් බවට සැකපිට අත්අඩංගුවට ගත් 19 හැවිරිදි තරුණයෙකු ඉටාබාෂි වෝඩ්හි ටකාෂිමඩයිරා පොලිස් ස්ථානයේදී මියගොස් තිබේ.
මෙම පුද්ගලයා අසනීපයකින් මිය ගොස් ඇති බවට විශ්වාස කරන බවත් සිරගතව සිටින කාලය තුළ ඔහුට නිසි ලෙස ප්‍රතිකාර කළේ දැයි සොයා බලන බවත් පොලිසිය ප්‍රකාශ කළේය.
පොලිස් වාර්තාවලට අනුව ඊයේ (16) අලුයම 5 ට පමණ රැඳවියා ඔහුගේ සිර මැදිරියේ වැතිර සිටිනු නිලධාරියෙකු විසින් සොයා ගන්නා ලදී. ඔහුව රෝහලට ගෙන ගිය අතර පැයකට පමණ පසු සිහිය නොලබාම මියගොස් ඇත.
මරණයට හේතුව තීරණය කිරීම සඳහා පශ්චාත් මරණ පරීක්‍ෂණයක් පැවැත්වීමට නියමිත බව පොලිසිය පවසයි.
