යුක්‍රේනයේ රුසියානු ආක්‍රමණය නිසාවෙන් ඇතිවූ බලශක්ති හා ආහාර මිල ගණන් ඉහළ යාමේ බලපෑම මැඩපැවැත්වීම සඳහා 2022 මූල්‍ය වර්ෂය සඳහා යෙන් ට්‍රිලියන 2.5 ට වඩා වැඩි පරිපූරක අයවැයක් ලබා ගැනීමට ජපානයේ පාලක සභාව බ්‍රහස්පතින්දා එකඟ වී තිබේ.
මේ මාසයෙන් ආරම්භ වූ වසර සඳහා අමතර අයවැයක් කෙටුම්පත් කිරීම ආරම්භ කරන ලෙසත්, හදිසි ආර්ථික පැකේජයක් පිළිබඳ තොරතුරු අඟහරුවාදා වන විට එළිදක්වන ලෙසත් අගමැති ෆුමියෝ කිෂිඩා නිලධාරීන්ට උපදෙස් දෙනු ඇතැයි අපේක්ෂා කරන බව ආණ්ඩු පක්ෂයේ නීති සම්පාදකයින් අදහස් දක්‌වමින් පැවසීය.
නීති සම්පාදකයන්ට අනුව ඩිමොක්‍රටික් පක්ෂයේ සභාග සහකරු Komeito, වත්මන් ඩයට් සැසිවාරය ජුනි 15 දිනෙන් අවසන් වීමට පෙර අයවැය සම්මත කර ගැනීම සඳහා මැයි මස අග දී සැලැස්මක් පාර්ලිමේන්තුවට ඉදිරිපත් කිරීම අරමුණු කර ගැනීමට එකඟ වී ඇති බව වාර්තා වේ.
