තම මව් රට තුළ රුසියානු ආක්‍රමණයෙන් විපතට පත් වූවන්ට සහාය දැක්වීම සඳහා අරමුදල් සම්පාදනය කරගැනීම වෙනුවෙන් යුක්‍රේනියානු වයලීන වාදකයෙකු විසින් මැයි 13 වන දින බටහිර ජපානයේ Hyogo ප්‍රාන්ත නගරයේ පුණ්‍ය ප්‍රසංගයක් පැවැත්වීමට නියමිත බව වාර්තා වේ .
35 හැවිරිදි Maryan Lomaha නම් වන මෙම වයලීන් වාදකයා විසින් Ashiya හි Luna ශාලාවේදී යුක්‍රේන ජන සංගීතය වාදනය කිරීමට අදහස් කරගෙන ඇති අතර සෑම දෙයක්ම අහිමි වූ පුද්ගලයින්ට ඇඳුම් සහ ඖෂධ ලබා දීම මෙන්ම ආධාරකරුවන් හට යුක්‍රේනයේ කලා හා සංස්කෘතිය ගැන අවබෝධයක් ලබා දීම ඔහුගේ අරමුණ වී තිබේ .
Maryan බටහිර යුක්‍රේනයේ Lviv හි ජීවත් වී ඇති අතර ඔහු යුරෝපයේ විවිධ සංගීත විශේෂඥයන් සමඟ සංගීත ප්‍රසංග පවත්වා තිබේ. 2017 දී ජපානයට පැමිණි දා සිට ඔහු Osaka නගරයේ ඔහුගේ සංගීත ජීවිතය ගොඩනඟාගෙන ඇත. රුසියානු ආක්‍රමණයෙන් පසුව, තම මව් රටට සහය දැක්වීම සඳහා Osaka නගරයේ පුණ්‍ය ප්‍රසංග පැවැත්වීම ආරම්භ කළ ඔහු ජපානයේ සිය මිතුරන් සහ වෙනත් අයගේ සහය ඇතිව Ashiya හි පැවැත්වීමට නියමිත සංගීත ප්‍රසංගය සංවිධානය කොට තිබේ .
