Yokohama ප්‍රාන්තයේ පදිංචිව සිටි 71 හැවිරිදි Koyu Sakuma නම් පුද්ගලයෙකු සොරකම් කිරීමට තැත් කිරීම සහ දේපල විනාශ කිරීම යන චෝදනා සම්බන්ධයෙන් සැකපිට අත්අඩංගුවට ගත් බව පොලීසිය සඳහන් කළේය .
මුදල් අවශ්‍යතාවයක් නිසා ඔහු එය සිදුකළ බවට පිළිගෙන ඇති අතර සිකුරාදා අලුයම 2.30 ට පමණ Minami Ward හි අදාළ Pub එකෙහි පිටුපස දොර විවෘත කර ගැනීමට ඔහු කුඩා පොල්ලක් භාවිතා කොට ඇත. එයින් නැගුණු අධික ශබ්දය ඇසුණු අසල්වැසියෙකු 110 අමතා ශබ්දය පිළිබඳව දැනුවත් කර තිබේ.
අදාළ අවස්ථාවේදීම පොලිසිය එම ස්ථානයට ළඟාවී Pub එකේ දොරකඩ අසල සිටි Sakuma අත්අඩංගුවට ගෙන ඇති අතර Sakuma එදින අලුයම තවත් මත්පැන්හල් සහ කාර්යාල කිහිපයක් ද කොල්ලකා ඇති බව පොලිසිය පැවසීය.
