අනතුරට හේතුව නිශ්චය කිරීමේ ප්‍රගතියක් අපේක්ෂාවෙන් Kazu I සංචාරක යාත්‍රාවේ යටි පැත්ත පරීක්ෂා කිරීම සදහා ජපාන වෙරළාරක්ෂක බලකාය විසින් Abashiri වරායේ රඳවා තිබූ යාත්‍රාව විශාල ට්‍රක් රථයක පටවා මීටර් සිය ගණනක් දුරින් පිහිටි ස්ථානයකට ගෙන ගොස් තිබේ.
අනතුරෙන් මියගිය හෝ අතුරුදන් වීම නිසා අහිමි වූ මගීන්ගේ පවුල්වල සාමාජිකයන්ට යාත්‍රාව දැකීමට සහ ඔවුන්ගේ ආදරණීයයන් සිහිකරමින් මල් තැබීමට මෙහිදී නිලධාරීන් විසින් අවස්ථාව සලසා දෙන ලදී.
ආරක්‍ෂක රෙගුලාසි 17 ක් උල්ලංඝනය කර ඇති බවට තහවුරු වීම හේතුවෙන් මේ මාසයේදී බෝට්ටු ක්‍රියාකරුගේ බලපත්‍රය අවලංගු කිරීමට අදහස් කරන බව ප්‍රවාහන අමාත්‍යාංශය පැවැසූ අතර එය සමුද්‍ර ප්‍රවාහන නීතිය යටතේ මෙතෙක් පනවා ඇති දරුණුතම පරිපාලන දඬුවම බවට පත් වනු ඇතැයි පැවැසේ.
