Hokkaido හි Ohihiro පොලිසිය විසින් Obihiro no Mori වනෝද්‍යානයේ අර්ධ වශයෙන් කාන්තා මළ සිරුරක් වළ දමා ගිය බවට සැකපිට Shuri Katagiri නම් 35 හැවිරිදි පුද්ගලයෙකු බ්‍රහස්පතින්දා අලුයම 2.30 ට පමණ අත්අඩංගුවට ගෙන ඇති බව වාර්තා වේ.
කෘෂිකාර්මික උසස් පාසලක ගුරුවරයෙකු ලෙස සේවය කළ ඔහු විසින් 47 හැවිරිදි Asako Miyata ගේ දේහය සඳුදා දින රාත්‍රී 8 ට පමණ උද්‍යානයේ භූමදාන කළ බවට පිළිගෙන ඇති බවත්, ඇයව ගෙල සිරකර මරා දමා ඇති බව මරණ පරීක්ෂණයේදී හෙළි වූ බවත් පොලිසිය සඳහන් කළේය.
තම බිරිඳ ඉරිදා නිවසින් පිටතට ගොස් නැවත නොපැමිණි බවට සඳුදා දින ඇයගේ සැමියා විසින් සිදුකළ පැමිණිල්ලකට අනුව පොලීසිය විසින් පරීක්ෂණ ආරම්භ කර තිබේ. කලක් එකම පාසලක සේවය කළ Katagiri සහ ඇය අතර මීට පෙරදී ප්‍රශ්න ඇති වූ බව ඇගේ සැමියා පැවසීමෙන් පසුව සිදුකළ වැඩිදුර ප්‍රශ්න කිරීම් වලදී මළ සිරුර වළ දැමූ ස්ථානය පිළිබඳව ඔහු පවසා ඇත.
