COVID-19 ව්‍යාප්තිය හේතුවෙන් බිඳ වැටුණු ආදායම් මූලාශ්‍ර යළි ගෙන ඒමේ අරමුණින් ජපානයේ නාගරික හෝටල් බොහොමයක් සම්පූර්ණයෙන්ම පාහේ ප්‍රතිසංස්කරණය කර ඇති අතර එහිදී අමුත්තන්ට ගුවන් යානා පියාසර කිරීමට, බුලට් දුම්රිය ධාවනය කිරීමට සහ ඔවුන්ගේ සුරතල් සතුන් අලංකාර කිරීමට අවස්ථාව සලසා දී ඇති බව වාර්තා වේ .
අගනුවර Iidabashi දිස්ත්‍රික්කයේ පිහිටා ඇති Metropolitan Edmont Tokyo හෝටලය විසින් Hokkaido සහ Tohoku Shinkansen මාර්ගවල ක්‍රියාත්මක වන E5 ශ්‍රේණියේ බුලට් දුම්රියක වෘත්තීය අනුරුවක් අත්විඳීමට අමුත්තන්ට ඉඩ සලසන නවාතැන් පැකේජයක් හදුන්වා දී ඇත .
East Japan Railway Co. (JR East) සමඟ අනුබද්ධ මෙම හෝටලය මගින් සෑම දිනකම අමුත්තන් වෙනුවෙන් මිනිත්තු 40ක අනුකරණ රියදුරු සැසියක් සපයන අතර හෝටලයේ ඉදිරි පිවිසුම මධ්‍යයේ ස්ථාපනය කර ඇති මෙම අනුරුවේ බඳ කොටස රෝස පැහැ රේඛාවකින් සහ අනෙකුත් කොටස් කොළ සහ සුදු පැහැයෙන් වර්ණවත් කර තිබේ.
"අනුරුව මගින් දුම්රිය රසිකයින් ආකර්ෂණය කර ගනු ඇතැයි හෝටලය අපේක්ෂා කළ නමුත් දරුවන් සිටින පවුල් වැඩි සංඛ්‍යාවක් ද එයට ඇදී ගොස් ඇත. අපට අපගේ අමුත්තන් තවදුරටත් සංචාරය සඳහා පොළඹවා ගැනීමට අවශ්‍යයි" යනුවෙන් මේ පිළිබඳව අදහස් දක්‌වමින් හෝටලයේ නියෝජිතයෙකු පැවසීය.
