උසස් පාසලේ අනිවාර්ය අවශ්‍යතා සහ වැඩිහිටි වියේ වයස අවුරුදු 20 සිට 18 දක්වා අඩු කිරීම නිසා දරුවන්ගේ මුදල් පිළිබඳ අවබෝධය කුඩා කල සිටම වැඩි දියුණු කිරීමේ අපේක්ෂාවෙන් ජපාන පාසල්වල මුදල් හැසිරවීම සම්බන්ධයෙන් වන මූල්‍ය අධ්‍යාපනය පුළුල් වෙමින් පවතී.
ඉලෙක්ට්‍රොනික ගෙවීම් රටපුරා ව්‍යාප්ත වීමත් සමඟ මුදල් හැසිරවීමේ අවස්ථා අඩුවීම හේතුවෙන් තම දරුවන්ගේ "මුදල් පිළිබඳ හැඟීම" වර්ධනය කරන්නේ කෙසේදැයි දෙමව්පියන් කනස්සල්ලට පත්ව සිටි මොහාතක මෙම අධ්‍යයන ක්‍රමය පාසල් ගුරුවරුන් විසින් ආරම්භ කර ඇති අතර දරුවන්ට මුදල් භාවිතය සම්බන්ධයෙන් පුළුල් දැනුමක් ලබා දීම වෙනුවෙන් හුරුපුරුදු සහ විනෝදාස්වාද ක්‍රීඩා වෙත යොමු වීමට ගුරුවරුන් පියවර ගෙන තිබේ .
"මුදල් නව දොරටුවක් බවට පත් කර ගැනීමෙන්, තමන් සිටින සමාජයට සහ ජනතාව වෙතට අවධානය යොමු කර විවිධ ද්‍රව්‍ය වල වටිනාකම දරුවන් විසින් තනිවම සොයා ගනු ඇතැයි මම බලාපොරොත්තු වෙමි" යනුවෙන් Kanagawa ප්‍රාන්තයේ Kamakura හි Yokohama ජාතික විශ්ව විද්‍යාලයට අනුබද්ධ Kamakura ප්‍රාථමික පාසලේ පස්වන ශ්‍රේණියේ ගුරුතුමිය පැවසුවාය.
