Yamaguchi ප්‍රාන්ත නගරයේ Yanai හි එළැඹෙන අගෝස්තු 13 දින පැවැත්වීමට නියමිත දේශීය පහන් කූඩු ගිම්හාන උත්සවයට පෙර සම්ප්‍රදායික ජපන් කඩදාසි යොදාගනිමින් සාදනු ලබන ගෝල්ඩ් ෆිෂ් මත්ස්‍යයන්ගේ හැඩයෙන් යුත් පහන් කූඩු මේ වනවිට Yanai ප්‍රදේශයේ රිදී මානව සම්පත් මධ්‍යස්ථානයේ සාමාජිකයින් 11 දෙනෙකු විසින් නිර්මාණය කිරීම ආරම්භ කර ඇති අතර උණ බම්බු වලින් රාමු එකලස් කිරීම, ඒවාට "washi" ජපන් කඩදාසි ඇමිණීම සහ පහන් කූඩු පින්තාරු කිරීම දක්වා ඔවුන්ගේ භූමිකාවන් විවිධාංගීකරණය වී තිබේ.
Corona වසංගතයේ ව්‍යාප්තිය හේතුවෙන් වසර තුනකට පසු පළමු වරට පැවැත්වෙන Yanai ගෝල්ඩ්ෆිෂ් පහන් කූඩු උත්සවයේදී Edo යුගය (1867) සිහිපත් කරමින් සංරක්ෂණය කරන ලද සාම්ප්‍රදායික ව්‍යුහයන් සහ පැරණි සුදු බිත්ති සහිත නිවාස පේළි වලින් වටවී ඇති වීදි අලංකාර කිරීමට කඩදාසි පහන් 4,000 ක් යොදාගන්නා අතර ඉන් පහන් කූඩු 2500ක් අගෝස්තු 6 වැනි දින පැවැත්වීමට නියමිත ආලෝකමත් කිරීමේ උත්සවයෙන් පසු අගෝස්තු 31 වැනිදා දක්වා අඛණ්‌ඩව ආලෝකමත් කෙරේ.
මධ්‍යස්ථානය තුළ පහන් කූඩු සෑදීමේ කටයුතු පසුගිය මාර්තු මාසයේදී ආරම්භ වූ අතර මෙවර උත්සවය අනිවාර්යයෙන්ම පවත්වන බවට ජුනි මාසයේදී තීරණය කිරීමෙන් පසු පූර්ණ නිෂ්පාදන ක්‍රියාවලිය සතියකට දින හතරක් දක්වා දීර්ඝ කර තිබේ. මෙහිදී කාර්ය මණ්ඩලයේ සේවකයින් හට දිනකට පහන් කූඩු 20-30 අතර ප්‍රමාණයක් පමණක් සකස් කළ හැකි වන අතර පහන් කූඩු 500ක ඇණවුමක් නිෂ්පාදනය කිරීමට නගරයෙන් ඇණවුමක් ලැබී ඇත.
"මට අවශ්‍ය වන්නේ ගෝල්ඩ් ෆිෂ් පහන් කූඩු දැල්වෙන විට ඒවා 'හුරුබුහුටි' සහ 'ලස්සනයි' කියා ජනතාව ඒවා අගය කරනු දැකීමටයි" යනුවෙන් නිෂ්පාදන කණ්ඩායමේ නායකයා වූ 79 හැවිරිදි Hideo Motoi මෙහිදී අදහස් දක්‌වමින් පැවසීය.
