COVID-19 වෛරස ව්‍යාප්ති ඉතිහාසයේ පලමු වරට ජූලි 20 වන බදාදා දින රට තුළ වාර්තාගත ඉහළම නව Corona ආසාදිතයින් සංඛ්‍යාව ලෙස Osaka ප්‍රාන්තයෙන් නව ආසාදිතයින් 21,976 ක්‌ වාර්තා වූ අතර එක් දිනක් තුළ ප්‍රාන්තයෙන් මෙලෙස ආසාදන 20,000 කට වඩා දුටු පළමු අවස්ථාව ලෙස මෙය සැලකේ.
මීට පෙර මෙම බටහිර ජපන් ප්‍රාන්තයෙන් වාර්තා වූ ඉහළම ආසාදිතයින් සංඛ්‍යාව ලෙස පසුගිය පෙබරවාරි 11 වැනි දින වාර්තා වූ රෝගීන් 15,291 දෙනා සටහන්ව තිබූ අතර බදාදා දින වාර්තා වූ සමස්ථ රෝගීන් සංඛ්‍යාව පෙර සතියේ බදාදා දිනය තුළදී ප්‍රාන්තයෙන් වාර්තා වූ අගය මෙන් 2.1 ගුණයක් වූ බව දත්ත වාර්තා මගින් පෙන්වා දී තිබේ .
මේ අතර Tokyo අගනුවරින් බදාදා දිනය තුළ නව COVID-19 ආසාදිතයින් 20,401 දෙනෙකු සහ තහවුරු කරන ලද මරණ හතරක් වාර්තා වූ බව ටෝකියෝ මෙට්‍රොපොලිටන් රජය නිවේදනය කළේය.
