ජපානයේ ප්‍රමුඛ පෙළේ බේස්බෝල් ක්‍රීඩකයකු වන Ohani මෙම වසරේ පිරිමි ක්‍රීඩා ඉසව් වෙනුවෙන් පිරිනමන ESPY සම්මානය දිනා ගැනීමට සමත් වී තිබේ.
ඇමරිකානු ක්‍රීඩා නාලිකාවක් වන ESPN විසින් 1993 වර්ෂයේදී මෙම ESPY සම්මාන ප්‍රදානය ආරම්භ කළ අතර සෑම වසරකම ජූලි මාසයේදී ඒක පුද්ගල හා කණ්ඩායම් වශයෙන් ඊට පෙර වර්ෂයේ දී දක්ෂතා දැක්වූ ක්‍රීඩකයන්ට සම්මාන පිරිනැමීම සිදුවේ.
ජපානය වෙනුවෙන් මෙම සම්මානය දිනාගනු ලැබූ ප්‍රථම පිරිමි ක්‍රීඩකයා වීමට Ohtani සමත් වී ඇති අතර පෙර වර්ෂයේ දී Osaka Naomi විසින් කාන්තා අංශයෙන් ජපානය වෙනුවෙන් ටෙනිස් ක්‍රීඩාව සඳහා මෙම සම්මානය හිමිකර ගන්නා ලදී.
