Kanagawa ප්‍රාන්තයේ Kawasaki ප්‍රදේශයේදී පසුගිය සැප්තැම්බර් මස නිවසක් තුළ සිරකර, මාංචු දමා තිබියදී පමුණුවන ලද දරුණු වදහිංසා මධ්‍යයේ මියගිය 37 හැවිරිදි Yuichiro නම් පුද්ගලයෙකුගේ මළ සිරුරක් සොයාගැනීමට නිලධාරීන්ට හැකිව තිබූ අතර සිද්ධිය සම්බන්ධයෙන් සැකපිට 70 හැවිරිදි Naoki Yokoama, ඔහුගේ බිරිඳ වූ 65 හැවිරිදි Junko සහ ඔවුන්ගේ දියණිය වූ 36 හැවිරිදි Nanako යන පුද්ගලයන් තිදෙනා යළිත් වරක් අත්අඩංගුවට ගැනීමට Kawasaki පොලිසිය පියවර ගෙන ඇති බව වාර්තා වේ.
ඔවුන්ගේ පුත් Yuichiro, නීති විරෝධී ලෙස සිරගත කිරීමේ චෝදනාව මත පසුගිය ජනවාරි 31 වන දින මෙම සැකකරුවන් තිදෙනා පළමු වරට අත්අඩංගුවට ගෙන ඇති නමුත් ඔවුන් තිදෙනාටම නඩු විභාගයකට පෙනී සිටීමට තරම් මානසික යෝග්‍යතාවයක් පවතී ද යන්න තීරණය කිරීම සඳහා ඔවුන් මනෝ වෛද්‍ය පරීක්ෂණයකට භාජනය කරන ලෙසට නඩු පවරන්නන් නියෝග කර තිබේ .
ඒ අනුව පෙබරවාරි මාසයේ සිට ජූලි 19 දක්වා සිදු කරන ලද වෛද්‍ය පරීක්ෂණ මගින් සැකකරුවන් තිදෙනාම මානසිකව දක්ෂයන් ලෙස සොයාගැනීමට හැකිවී ඇති අතර බ්‍රහස්පතින්දා දින පොලිසිය විසින් විත්තිකරුගේ මරණයට හේතුවක් ලෙස 'දෙමාපියන් ඔහුව නොසලකා හැරීම' යන චෝදනාව එක් කර ඇත. මෙහිදී සැකකරුවන් තිදෙනාම ඔවුන්ට එරෙහිව එල්ල වී ඇති චෝදනා ප්‍රතික්ෂේප කළ බව පොලීසිය සදහන් කළේය.
