ජපානයේ බොහෝ ප්‍රදේශ ඉරිදා අධික උණුසුමෙන් වැසී ගිය අතර කාලගුණ බලධාරීන් අනාවැකි පළ කරන්නේ ඉදිරි දින හත තුළද මෙම උණුසුම් කාලගුණය පවතිනු ඇති බවයි.
පිටතට යාමෙන් වළකින ලෙසත්, හැකි නම් දිවා කාලයේ ව්‍යායාම කිරීමෙන් වළකින ලෙසත් ජනතාවට උපදෙස් දී ඇති අතර ඔවුන් එළිමහනේ සිටින විට සහ වැඩිපුර කතා නොකරන විට වායු සමීකරණ භාවිතා කරන ලෙසත් මුහුණු ආවරණ ඉවත් කරන ලෙසත් ඔවුන්ගෙන් ඉල්ලා සිටී.
දිවා කාලයේ උෂ්ණත්වය ඉසෙසාකි, ගුන්මා ප්‍රාන්තයේ සෙල්සියස් අංශක 38.6ක්, කුමගයා සයිතාමා ප්‍රාන්තයේ 38.4ක්, කියෝතෝ නගරයේ 37.4ක් සහ මධ්‍යම ටෝකියෝවේ 35ක් විය. කියෝතෝ නගරය, ටොටෝරි ප්‍රාන්තයේ යොනාගෝ සහ ෆුකුයි නගරයේ දිවා කාලයේ අංශක 38 ක ඉහළ අගයක් සඳුදා එනම් අද දින අපේක්ෂා කෙරේ.
කාලගුණ විද්‍යා ඒජන්සිය පවසන්නේ නැගෙනහිර සහ බටහිර ජපානයේ සහ ඔකිනාවා හි අගෝස්තු 7 වනදා දක්වා උෂ්ණත්වය අනතුරුදායක ලෙස ඉහළ මට්ටමක පවතිනු ඇති බවයි.
