නිරිතදිග ජපානයේ ඔකිනාවා ප්‍රධාන දූපතට උතුරින් ජලයේ ඉහළින් ඇති වූ ට්‍රේස් නිවර්තන කුණාටුවත් සමඟ කාලගුණ නිලධාරීන් විමසිලිමත් වන ලෙස ඉල්ලා සිටී. කාලගුණ විද්‍යා ඒජන්සිය පැවසුවේ ඉරිදා දහවල් වන විට නාහා නගරයට කිලෝමීටර් 40 ක් උතුරින් ජලයට ඉහළින් නිවර්තන කුණාටුවක් දක්වා නිවර්තන අවපාතයක් වර්ධනය වූ බවයි.
අධික වර්ෂාව, තද සුළං සහ උස් රළ ගැන නිලධාරීන් අනතුරු අඟවයි. ඔවුන් පවසන්නේ මෙම කුණාටුවේ උපරිම සුළං පැයට කිලෝමීටර් 65 ක් පමණ වන අතර පැයට කිලෝමීටර් 90 ක් දක්වා තද සුළං ඇති විය හැකි බවයි.
විශේෂයෙන් ඔකිනාවා හි ප්‍රධාන දූපත් කලාපයට සහ කගෝෂිමා ප්‍රාන්තයේ අමාමි ප්‍රදේශයට කඩින් කඩ තද වැසි, තද සුළං හා එම මුහුදු ප්‍රදේශ තවදුරටත් රළු වනු ඇතැයි අපේක්ෂා කෙරේ. නායයෑම්, පහත් බිම්වල ගංවතුර, ගංඟාවල හදිසි ඉදිමීම්, තද සුළං සහ උස් රළ පිළිබඳ අවධානයෙන් සිටින ලෙස කාලගුණ බලධාරීන් ජනතාවගෙන් ඉල්ලා සිටී.
නවතම කාලගුණ යාවත්කාලීන කිරීම් පිළිබඳව දැනුවත්ව සිටින ලෙසද නිලධාරීන් ජනතාවගෙන් ඉල්ලා සිටියි.
