දෙස් විදෙස් විරෝධයන් තවමත් පැවතුනද බලාගාරයේ ක්‍රියාකරුට අනුව ෆුකුෂිමා ප්‍රාන්තයේ අබලන් වූ න්‍යෂ්ටික බලාගාරයෙන් පිරිපහදු කළ ජලය මුහුදට මුදා හැරීමේ පහසුකම් ඉදිකිරීම බ්‍රහස්පතින්දා ආරම්භ වන බව වාර්තා වේ.
Tokyo Electric Power Company Holdings Inc. බදාදා පැවති මාධ්‍ය හමුවකදී පැවසුවේ ජපාන රෙගුලාසි යටතේ අවසර දී ඇති උපරිම සාන්ද්‍රණයෙන් 40 න් එකකට මුහුදු ජලය සමග තනුක කිරීමෙන් පසු ට්‍රිටියම් අඩංගු පිරිපහදු කළ ජලය පැසිෆික් වෙරළට කිලෝමීටර 1 ක් පමණ දුරින් ලබන වසන්තයේදී මුදා හැරීමට අපේක්ෂා කරන බවයි.
මුලදී, TEPCO විසින් පහසුකම් ඉදිකිරීම ජුනි මාසයේදී ආරම්භ කිරීමට සැලසුම් කර තිබුණද එය න්‍යෂ්ටික නියාමන අධිකාරිය විසින් අනුමත කර ඇත්තේ ජූලි මාසයේදීය. TEPCO සහ රජය තවමත් ජපානයේ සහ අසල්වැසි චීනයේ ධීවර ප්‍රජාවන් ඒත්තු ගැන්වීමේ විශාල කර්තව්‍යයකට මුහුණ දෙන අතර ආරක්ෂිත හේතූන් මත පිරිපහදු කළ ජලය මුදා හැරීමට දිගින් දිගටම විරුද්ධ වන බවද වාර්තා වේ.
