සිකුරාදා ජපානයේ විශාල ප්‍රදේශයක් පුරා ධාරානිපාත වර්ෂාව අඛණ්ඩව ඇද හැලුණු අතර ගංගා පිටාර ගැලීම නිසා ෆුකුයි සහ ෂිගා ප්‍රාන්තවල වාර්තාගත වර්ෂාපතනයක් වාර්තා වී ඇති අතර බොහෝ ප්‍රදේශ නායයෑමේ අවදානමට ලක්ව ඇත. ප්‍රාන්ත නවයක් හරහා ගංගා පනස් දෙකක් සවස 5 වන විට ඉවුරු බිඳී ගොස් ඇත. එම කාලසීමාව තුළ ප්‍රාන්ත හයක නායයෑම් 22 ක් සිදුව ඇති බව ද වාර්තා වේ.
වර්ෂාවෙන් සිදු වූ හානියට ප්‍රතිචාර වශයෙන්, පළාත් පාලන ආයතන සහ අනෙකුත් බලධාරීන් පදිංචිකරුවන්ට සහාය වීමට ඉක්මන් වී ඇත. කඩා වැටුණු දුම්රිය පාලම් දෙකක් සහ ෆුකුයි ප්‍රාන්තයේ හොකුරිකු අධිවේගී මාර්ගයේ කොටසක් නාය යෑමක් ඇතුළු ප්‍රවාහන යටිතල පහසුකම්වලට හානි සිදුවී ඇති බව ද තහවුරු වී ඇත.
පවතින වායුගෝලීය තත්ත්වයන් මධ්‍යයේ සෙනසුරාදා දක්වා තවදුරටත් අධික වර්ෂාපතනයක් ඇතිවීම පිළිබඳව මෙන්ම නාය යෑමේ අවධානයක් ඇති හෙයින් නිවැසියන්ට අවධානයෙන් සිටින ලෙස ජපාන කාලගුණ විද්‍යා ඒජන්සිය අනතුරු අඟවා ඇත.
