සිය මෑණියන් වූ 59 හැවිරිදි Maya Ishikawa ඝාතනය කිරීමෙන් අනතුරුව තමාගේ බඩට ද පිහියකින් ඇනගෙන දිවි නසා ගැනීමට උත්සාහ කළ පුත්‍රයෙකු පිළිබඳව අගෝස්තු 19 වන දින මධ්‍යම ජපානයේ Shizuoka ප්‍රාන්තයේ Shimizu ප්‍රදේශයන් වාර්තා වූ අතර මවගේ මරණයෙන් අනතුරුව ඔහු මෙසේ කිරීමට තැත් කරන්නට ඇති බව පොලීසිය මෙහිදී සදහන් කළේය.
එදින උදෑසන නිවසින් පිටව ගිය Ishikawaගේ සැමියා රාත්‍රී 10:30 ට පමණ යළි නිවසට පැමිණෙන විට ලේ විලක් මැද වැටී සිටි තම බිරිඳ සහ උදරය ප්‍රදේශය තුවාල ලබා සිටි ඔවුන්ගේ පුත්‍රයා දැක ඇති අතර පසුව ඔවුන් දෙදෙනාම රෝහල් ගත කිරීමට පියවර ගෙන තිබේ.
නමුත් Ishikawa ඒ වනවිටත් මියගොස් සිට ඇති බව තහවුරු වූ අතර රෝහලට රැගෙන යන විටත් සිහියෙන් සිටි ඔවුන්ගේ පුත්‍රයා මේ වනවිට බඩේ තුවාල වලට ප්‍රතිකාර ලබමින් සිටින බවත් ඝාතනය සම්බන්ධයෙන් අඛණ්ඩ විමර්ශන ක්‍රියාත්මක බවත් මේ පිළිබඳව අදහස්‌ දක්‌වමින් නිලධාරීන් පැවැසූහ.
