ජපානයේ හිටපු වෘත්තීය මල්ලවපොර තරුවක් සහ හිටපු නීති සම්පාදකයෙකු වූ ඇන්ටෝනියෝ ඉනෝකි වයස අවුරුදු 79 දී අභාවප්‍රාප්ත වී ඇත. ඉහළ නිලධාරීන් හමුවීමට උතුරු කොරියාවට බොහෝ සංචාරයන් සඳහා ප්‍රසිද්ධියට පත් ඉනෝකි සෙනසුරාදා උදෑසන හෘදයාබාධයකින් මිය ගොස් ඇත.
ඔහු වයස අවුරුදු 17 දී වෘත්තීය මල්ලවපොර ක්‍රීඩකයෙකු ලෙස සිය වෘත්තීය ජීවිතය ආරම්භ කළ අතර 1972 දී වෘත්තීය මල්ලවපොර ප්‍රවර්ධන සමාගමක් වන New Japan Pro-Wrestling ආරම්භ කර ඇත. 1976 වසරේ අභාවප්‍රාප්ත බොක්සිං පුරාවෘත්තය වන මුහම්මද් අලිට එරෙහි සටන ඔහුගේ ඉහළ පෙළේ තරගයකි.
මල්ලවපොර ක්‍රීඩකයා ටෝකියෝ හිදී අලි සමඟ සටන් කළ අතර, එම තරගයේ දී එවකට හෙවිවේට් ලෝක ශූරයා සමඟ සම්පූර්ණ වට 15 ක් ගිය අතර එය ජය පරාජයෙන් තොරව අවසන් වී ඇත. ඉනෝකි ප්‍රථම වරට 1989 දී ඉහළ මන්ත්‍රී මණ්ඩලයේ ඩයට් සාමාජිකයෙකු ලෙස තේරී පත් වූ අතර, දෙවන වරට 2013 දී තේරී පත් වී ඇත.
