ඔත්තු බැලීමේ චෝදනාවකට චීනයේ වසර හයක සිර දඬුවමක් නියම වූ ජපන් ජාතිකයා සිය දඩුවම් කාලය අවසන් කර සිය රට බලා පැමිණ ඇත.
ජපානය සහ චීනය අතර මිත්‍රත්වය ප්‍රවර්ධනය කරන සංවිධානයක ප්‍රධානියා වන Suzuki Hideji වසර හයකට පෙර බීජිං හිදී ජාතික ආරක්ෂාව අනතුරේ හෙළන හේතුව මත සැකපිට රඳවා තබා ගෙන ඇත.
සුසුකි ඔත්තු බැලීමේ ක්‍රියාකාරකම්වල නිරත වූ බවට බීජිං හි අධිකරණය පසුව තීන්දු කළ අතර ඔහුට වසර හයක සිර දඬුවමක් නියම කර ඇත. ජපාන රජයේ ආරංචි මාර්ග පවසා සිටින්නේ සුසුකි සිය සිරදඬුවම අවසන් කර අඟහරුවාදා ජපානයට පැමිණි බවයි.
