මධ්‍යම ජපානයේ Shizuoka ප්‍රාන්තය පසුගිය වසරේ Atami නගරයේ සිදුවූ මාරාන්තික නායයෑමෙන් පසු ඉතිරිව ඇති පස් කඳු ඉවත් කිරීම ආරම්භ කර ඇත. ජුලි මස මඩ නාය යාමෙන් පුද්ගලයින් 27 දෙනෙකු මිය ගිය අතර එක් අයෙකු අතුරුදහන් වී ඇත. පස් ඝන මීටර් 20,000 කට වැඩි ප්‍රමාණයක් එම මඩ නාය යෑම ආරම්භ වූ ස්ථානයේ පවතිනු ඇතැයි ගණන් බලා ඇත.
Shizuoka ප්‍රාන්ත රජය මේ වසරේ අගෝස්තු මාසයේදී එම පස් ඉවත් කිරීමට පස් කන්දක් නිර්මාණය කිරීමට එම ඉඩම හිමි දේපළ වෙළඳාම් සමාගමට නියෝග කර ඇත. නමුත් සමාගම එම නියෝගය පිළිපැද නැත. ඝන මීටර් 16,000 ක් වූ එම පස් කන්ද කඩා වැටීමේ අවදානමක් පවතින බැවින් එය ඉවත් කිරීමට ප්‍රාන්ත රජය පසුගිය මාසයේ තීරණය කර ඇත.
