ජපාන අගමැති කිෂිඩා ෆුමියෝ සහ ඔස්ට්‍රේලියානු අගමැති ඇන්තනි ඇල්බනීස් විසින් ආරක්ෂක සහයෝගීතාව පිළිබඳ නව ඒකාබද්ධ ප්‍රකාශයක් නිකුත් කිරීමට කටයුතු කරමින් සිටින බව රජයේ ආරංචි මාර්ග පවසයි. නායකයන් දෙදෙනා මේ සති අන්තයේ ඔස්ට්‍රේලියාවේදී හමුවීමට නියමිතව ඇත.
කිෂිඩා සඳුදා ඔහුගේ පාලක පක්ෂයේ විධායකයින්ගේ රැස්වීමකදී පවසා සිටියේ ඇල්බනීස් සමඟ ආරක්ෂාව, බලශක්තිය සහ ආහාර සැපයුම් පිළිබඳව සාකච්ඡා කිරීමට අදහස් කරන බවයි. රජයේ ආරංචි මාර්ග පවසා සිටින්නේ නව ආරක්ෂක ප්‍රකාශය ඉදිරි වසර 10 තුළ සහයෝගීතා මාලාවකට හේතු වනු ඇති බවයි.
එය චීනයේ සමුද්‍රීය ක්‍රියාකාරකම් සහ ඉන්දු පැසිෆික් කලාපයේ වෙනස්වන තත්ත්වය පිළිබිඹු කරනු ඇතැයි අපේක්ෂා කෙරේ. ද්‍රව ස්වභාවික වායු සහ අනෙකුත් බලශක්ති සම්පත්වල ස්ථායී සැපයුම් මෙන්ම හරිත පරිවර්තනය වැනි දියුණු ක්ෂේත්‍රවල ස්ථායී සැපයුම් සුරක්ෂිත කිරීම සඳහා සහයෝගිතාව තහවුරු කිරීමට ඔවුන් අපේක්ෂා කෙරේ.
