ටෝකායි වෙරළට ඔබ්බෙන් සවිකර ඇති භූමිකම්පා නිරීක්ෂණ උපකරණ සම්බන්ධ කරන සබ්මැරීන් කේබලයකට හානි වී ඇති බව ජපාන කාලගුණ විද්‍යා දෙපාර්තමේන්තුව ඊයේ(27) නිවේදනය කළේය.
මේ හේතුවෙන් එම ප්‍රදේශයේ භූමිකම්පාවක් ඇති වුවහොත් ඒ පිළිබඳ පූර්ව අනතුරු ඇඟවීම තත්පර 13 කින් ප්‍රමාද විය හැකිය.
වඩදිය බාදිය මට්ටම්වල වෙනස්කම් මැනීම සඳහා Mie ප්‍රාන්තයේ සිට Shizuoka ප්‍රාන්තයේ වෙරළට ඔබ්බෙන් මුහුදු පත්ලේ ස්ථාන අටක ස්ථාපනය කර ඇති භූ කම්පන මාන සහ ජල පීඩන මාපක සම්බන්ධ කිරීමෙන් විදුලිය සැපයීමට සහ දත්ත මාරු කිරීමට මෙම කේබල් භාවිතා කරයි. කේබලයකට හානි වීම නිසා මේ මස මැද භාගයේ සිට ස්ථාන අටෙන්ම දත්ත ලබා ගැනීමට නොහැකි වී ඇත.
