එක්සත් ජනපද තොරතුරු තාක්‍ෂණ දැවැන්තයා වන මයික්‍රොසොෆ්ට් ඊයේ(08) නිවේදනය කළේ එය "Teams" අන්තර්ජාල යෙදුම නොමිලේ ලබාදීමේ සේවාව අප්‍රේල් 12 වනදා අවසන් කරන බවයි.
ඒ අනුව නියමිත දිනට මුදල් ගෙවීමේ සේවාවට මාරු නොවන්නේ නම් දත්ත මකා දැමෙනු ඇත.
ගෙවන ලද සේවාව හා සසඳන විට නොමිලේ ලබාදෙන සේවාවේ කණ්ඩායම් රැස්වීම් සඳහා ලබාදෙන කාලය කෙටි වූ නමුත් ජපානයේ එය ප්‍රධාන වශයෙන් කුඩා හා මධ්‍යම ප්‍රමාණයේ ව්‍යවසායන් විසින් භාවිතා කරන ලදී.
