හ්යෝගෝ ප්‍රාන්ත පොලිසියේ කකෝගාවා පොලිස් ස්ථානයේ තැන්පත් කර තිබූ මළසිරුරු දෙකක් මාරු වී ඔවුන්ගේ පවුල්වලට භාර දී තිබේ.
සිරුරු ආදාහනයෙන් පසුව මෙය අනාවරණය වූ අතර පොලිසිය පවුල් දෙකෙන්ම සමාව ඉල්ලා ඇත.
පොලීසිය සඳහන් කළේ 69 හැවිරිදි පුද්ගලයෙකුගේ සහ 66 හැවිරිදි පුද්ගලයෙකුගේ සිරුරු මෘත ශරීරාගාරයේ තට්ටු දෙකක ශීතකරණයක් තුළ තැන්පත් කර තිබී ඇති අතර දෙදෙනාටම එකම වාසගම තිබූ බවයි.
ඒ අනුව 66 හැවිරිදි පුද්ගලයාගේ පවුලේ අය දේහය රැගෙන යාමට පැමිණි විට පොලිස් නිලධාරීන් වැරදීමකින් 69 හැවිරිදි පුද්ගලයාගේ දේහය භාර දී තිබේ.
