Tokyo අගනුවර Taito Ward හි Ueno දිස්ත්‍රික්කයේ පිහිටා තිබූ ව්‍යාපාරික හෝටලයක කසළ බැහැර කරන ස්ථානයේ තිබූ කාඩ්බෝඩ් පෙට්ටියකට ජුනි 12 වන දින අලුයම 4.20 ට පමණ ගිනි තැබූ බවට සැකපිට නිශ්චිත රැකියාවක් නොමැති Hidekazu Tomioka නම් 42 හැවිරිදි පුද්ගලයකු අත්අඩංගුවට ගෙන තිබේ.
සැක කටයුතු පුද්ගලයෙකු හෝටල් පරිශ්‍රයේ ගැවසෙන බවට තමන්ට ලැබුණු පණිවිඩයකට අනුව නිලධාරීන් එම ස්ථානයට ළගා වී ඇති අතර ඒ වනවිටත් ගිනි තබමින් සිටි සැකකරු වහාම පොලීස් අත්අඩංගුවට ගෙන තිබේ.
විශාල හානියක් සිදුවීමට පෙර ගින්න නිවා දැමීමට නිලධාරීන් සමත් වූ බවත් හෝටලයේ නවාතැන් නොගත් Tomioka තමන් ගින්න ඇති කළ බවට පිළිගෙන ඇති බවත් “මට කේන්ති ගිය නිසා මම එය කළා ” යනුවෙන් ඔහු උපුටා දක්‌වමින් පොලීසිය පැවැසීය.
පසුගිය දිනෙක එම ප්‍රදේශයේ සිදුවූ මෙවැනිම ගිනි තැබීම් මාලාවක් සම්බන්ධයෙන් සැකපිට දිගින් දිගටම ඔහුගෙන් ප්‍රශ්න කරමින් සිටින බව සිදුවීම පිළිබඳව අදහස්‌ දක්‌වමින් පොලිසිය ප්‍රකාශ කළේය.
