නැගෙනහිර ජපානයේ ටෝකියෝවට උතුරින් පිහිටි Hatoyama නගරය අසල ඇති ගංගාවකින් පිටාර ගැලූ බවට විශ්වාස කෙරෙන ජල පහරක් නිසා ඇතිවූ ගංවතුර තත්ත්වය හේතුවෙන් ගමන් කරමින් තිබූ මෝටර් රථයක් ජලයෙන් යටව ගිය නමුත් එහි සිරව සිටි ගැබිනි කාන්තාව බේරා ගැනීමට හැකිවූ බව Saitama ප්‍රාන්තයේ Nishi-Iruma Wide Area ප්‍රාදේශීය ගිනි නිවන දෙපාර්තමේන්තුව ජූලි 12 වන දින නිවේදනය කළේය.
දෙපාර්තමේන්තුවට අනුව මෝටර් රථය තුළ සිරව සිටි කාන්තාව රාත්‍රී 7.30 ට පමණ හදිසි ඇමතුමක් ගෙන "මම ගංවතුරේ මගේ මෝටර් රථයේ සිරවී සිටිමි" යනුවෙන් පවසමින් උදවු ඉල්ලා ඇති අතර වහාම ක්‍රියාත්මක වූ හදිසි ප්‍රහාරක ඒකකයේ නිලධාරීන් එම ස්ථානයට ගොස් ඇයව බේරා ගෙන රෝහල් ගත කර තිබේ .
මුදාගැනීමේ කණ්ඩායමට වතුර පහර නිසාවෙන් මෝටර් රථය වෙත ළඟා වීම අපහසු වූ නමුත් බෝට්ටුවක් භාවිතා කර ඇයව බේරා ගැනීමට ඔවුන් සමත් වී ඇති අතර ඇයගේ හා දරුවාගේ ජීවිතයට තර්ජනයක් නොමැති බව වෛද්‍යවරු මෙහිදී පවසා ඇත .
